Profesori Edvin Prifti në një postim në facebook, ka bërë të ditura rezultatet e shkencëtarëve të Universitetit të ‘La Sapiences’ dhe të ‘Tor Vergates’ ne Rome në gjetjen e një ilaçi kundër trajtimit të COVID-19.
Pofesori, thotë se shkencëtarët kanë arritur të gjejnë çelësin e trajtimit të koronaviursit që është ‘laktoferrina’. Sipas tij kjo është një proteine e cila merret nga nena dhe shpjegon se pse fëmijët infektohen shume me pak.
Më tej profesori Prifti thotë se sëmundja e COVID-19 do t’i mësojë shumë njerëzit dhe do të verë piketa të reja per te gjithe njerezimin.
“E rëndësishme është që kjo sëmundje do na mësojë shumë. Do na tregojë se kush punon realisht për njerëzimin dhe kush jo! Do tregojë se akademizmi kapitalist i cili nuk nxit kërkimin shkencor në funksion të njerëzimit, por vetëm të tregut dhe pushtetit duhet të marrë fund njëherë e mirë.Mendoj që Covid-19 do të vërë piketa të reja për njerëzimin kudo ku ai është”, shkruan ai ndër të tjera.