Një aksident tragjik ka ndodhur mbrëmjen e djeshme në aksin rrugor Koplik-Hot, aty ku ndërroi jetë një 22-vjeçar. I riu i cili po drejtonte mjetin tip ‘Audi’ është përplasur në vendin e quajtur ‘Kështjella e Dragoit’ me një mjet ‘Benz’. 22-vjeçari me inicialet K.C u dërgua më parë në spitalin e Shkodrës, e pastaj për ndihmë më të specializuar në Spitalin e Traumës Tiranë, ku për shkak të plagëve të marra ka ndërruar jetë. Drejtuesi i automjetit tip “Benz” është shoqëruar në ambientet e Policisë, për veprime të mëtejshme.
NJOFTIMI I POLICISË:
Për më shumë bëhu pjesë e grupit më viral në Facebook, Dosja.al
Më datë 29.08.2021, rreth orës 21:50, në aksin rrugor Koplik-Hot, në vendin e quajtur “Kështjella e Dragoit”,Vukpalaj, Malësi e Madhe, mjeti tip “Benz” me drejtues shtetasin F. D., 24 vjeç, banues në fshatin Rapshe, Malësi e Madhe, është përplasur me mjetin tip “Audi”, me drejtues shtetasin K. C. 22 vjeç, banues në Bajze, Malësi e Madhe. Si pasojë e përplasjes ka mbetur i dëmtuar drejtuesi i mjetit “Audi”, shtetasi K. C., i cili pas ndihmës së parë në spitalin e Shkodrës u dërgua për ndihmë më të specializuar në Spitalin e Traumës Tiranë, ku për shkak të plagëve të marra ka ndërruar jetë.Drejtuesi i automjetit tip “Benz” është shoqëruar në ambientet e Policisë, për veprime të mëtejshme. Grupi hetimor vijon punën për sqarimin e rrethanave të aksidentit.