Këngëtari i njohur Genc Prelvukaj i cili është i fejuari i Eni Koçit shpërthen përmes një postimi në rrjetet sociale kundrejt kolegëve të tij.
Përmes një postimi ai tregon se dikush i ka shkuar në studio dhe i ka vjedhur këngën duke e inçizuar dhe më pas e ka publikuar në studion e tij.
“Ne studio tek ne, shpesh vijne disa njerez, na afrohen fshehtar te dera, na incizojne punen, dmth i vjedhin idete, motivohen, marrin shembull, pastaj kthehen e i realizojne ne studiot e tyre ato qe i degjojne. Gjithsesi nxitojne per ti nxjerre para nesh.
Mua sme vjen keq, sepse me kete pune tregojne sa te medhenj e te pashterrshem jemi ne, e sa te harxhuar jane ata. E vetmja gje qe me vjen keq eshte qe i realizojne tmerresisht dobet”, ka shkruar ai.
Në fakt nuk janë të pakta rastet kur këngëtarët shqiptarë janë akuzuar se kanë vjedhur këngë nga artistë të tjerë, duke i publikuar më pas si produkte të vetat.