Shqipëria ka në radhët e përfaqësueses së futbollit një Kampion Bote. Frederik Veseli, në vitet e tij të para si futbollist, përfaqësonte Zvicrën në arenën ndërkombëtare dhe me të fitoi Botërorin U17, duke mbajtur edhe shiritin e kapitenit në atë përfaqësuese.
“Ishim fëmijë me një ëndërr, të bëheshim të fortë e të kishim sukses në futboll. Kishim personalitet, ishim plot talent, mësuam shumë në ato vite dhe pastaj secili prej nesh bëri rrugëtimin e tij”, do të kujtonte mbrojtësi i përfaqësueses shqiptare në një intervistë për “La Gazzetta Dello Sport” disa kohë më parë.
Sipas tij, rrugëtimi i Zvicrës, ka filluar pikërisht asokohe, me lojtarët që ishin pjesë e atij grupi si Seferoviç, Rodriguez e Xhaka dhe suksesi do të vinte herët apo vonë.