Këtë të enjte u hodh shorti për Europianin U-21. Kampionati Europian U-21 do të luhet në Sllovaki në vitin 2025, dhe Shqipëria ka shanse reale për të marrë pjesë.
Në Nion u hodh shorti për 9 grupet, 7 grupe me nga 6 skuadra dhe 2 grupe me nga 5, që nga marsi do fillojnë përballjet e tyre, me kualifikimet që do të mbyllen në tetor 2024.
Duke marrë parasysh faktin që kalojnë direkt për në fazën finale vetëm vendet e para të grupeve, së bashku me tre vendet e dyta më të mira, ndërsa gjashtë vendet e tjera të dyta përballen në play-off, mund të thuhet se kësaj radhe fati i ka buzëqeshur disi djemve të Alban Bushit.
