Irena Mici ia doli të mposhtë tumorin, por kjo sëmundje e rëndë e la pa stomak.
E ftuar në emisionin “Shqipëria Live”, ajo ka rrëfyer të gjithë vështirësitë dhe forcën që iu desh të mblidhte për t’ia dalë, edhe pse jeta e saj ndryshoi tërësisht.
Ajo shprehet se ka qenë djali i saj ai që e bëri të mblidhte forcat dhe të luftonte për t’u rikthyer në jetën që ishte para se të merrte vesh sëmundjen.
“Pata shumë fat, u operova brenda javës, kisha tre operacione rresht, u mendua se pati sukses operacioni i parë, por jo, pastaj u bë i dyti dhe i treti shkoi me sukses. Mjekët thanë që duhet të hiqet i gjithë stomaku. U dobësova shumë si psikologjikisht, si fizikisht. Unë isha e lidhur me tuba, në momentin që erdhi të më përqafonte djali dhe kur e pashë që nuk e përqafova dot, aty mu dha forca më e madhe që të ngrihesha t’ia dilja”, tha Irena.