Sekretarja e shtypit i Shtëpisë së Bardhë ka deklaruar se objekti i Rusisë që nga pushtimi i Ukrainës deri më sot nuk ka ndryshuar. Sipas sekretares së Shtëpisë së Bardhë, Jen Psaki, me shumë gjasa bota do të shohë të tjera skena të masakrave që pritet të kryejnë ushtarët rusë ndaj popullsisë civile në Ukrainë, ashtu siç ndodhi në qytetin Bucha.
Ajo vuri në dukje se askush nuk duhet të ketë iluzionin se qëllimet e Kremlinit kanë ndryshuar, pavarësisht tërheqjes së forcave ruse nga Ukraina Veriore.
“Qëllimi i tyre mbetet të dobësojnë Ukrainën sa më shumë që të jetë e mundur. Dhe ne nuk duhet të kemi asnjë iluzion se objektiv ka ndryshuar, ndryshe nga taktikat e tyre” tha Psaki.
Psaki shpjegoi se SHBA u vendosi sanksione dy fëmijëve të njohur të Vladimir Putin, Maria Putina dhe Katerina Tikhonova, sepse qeveria ka parë përpjekje për të mbajtur para me ta.
Psaki shtoi edhe ndikimet e sanksioneve të SHBA-ve. “Ajo që ne dimë është se për shkak të ndikimit të sanksioneve ekonomike, përfshirë ato që kemi ndërmarrë sot, dhe hapave që kemi ndërmarrë me kalimin e kohës, kemi parë një ndikim të padiskutueshëm, domethënës në ekonominë ruse” tha Psaki.
“Rusia është e vendosur të humbasë statusin e saj si një ekonomi e madhe. Dhe objektivi ynë është të zbatojmë ato pasoja për ta bërë shumë edhe më të vështirë për presidentin Putin financimin e luftës. Dhe ne po shohim tashmë ndikimet e drejtpërdrejta të kësaj”, përfundoi ajo.