Pamjet e rënda që po shikoni tregojnë shtëpinë e familjes Rrasa, aty ku 58-vjeçari vrau me armë zjarri bashkëshorten e tij Fëllënxë Rrasa dhe më pas qëlloi veten. Në të gjithë shtëpinë ka gjurmë gjaku, ndërkohë që në mes qëndron një kovë me ujë që është po përdoret nga të afërmit për të pastruar skenën e krimit.
Mësohet se 58-vjeçari Rrasa e ka qëlluar bashkëshorten e tij në pjesën e mjekrës, duke i shkaktuar plagë të rënda në kokë dhe duke e bërë të paidentifikueshme. Më pas ka qëlluar edhe veten.Krimi i rëndë ndodhi mbrëmjen e sotme në fshatin Babunjë të Divjakës. Hekuran Rrasa vrau me çifte bashkëshorten e tij, Fëllënxë Rrasa dhe më pas qëlloi për vdekje veten. 58-vjeçari mësohet se punonte në Bashkinë e Divjakës. Çifti kishin probleme ekonomike dhe dyshohet se kjo gjë është bërë shkak për krimin e rëndë.