Futbollisti i Vllaznisë Futsall në Shkodër, Ermir Lera është ndarë nga jeta mëngjesin e kësaj të marte në moshën 34-vjeçare. Lera pësoi një aksident automobilistik dhe prej 10 ditësh ishte në reanimacion, duke luftuar për të qëndruar në jetë. Futbollisti i sallave nuk ia ka dalë që të fitojë ndeshjen më të rëndësishme në jetë.
Ermir Lera ishte edhe mësues i edukimit fizik në një nga shkollat 9-vjeçare të qytetit të Shkodrës, ku prej kohësh mësonte të rinjtë për pasionin për sportin.
Tifozët shkodranë e mbajnë mend futbollistin Lera për lojën dhe golat e shënuar me ekipin e futsallës së Vllaznisë në sezonin e kaluar, teksa ishte ndër protagonistët kryesor të në shumë prej sukseseve të arritura.