Një vatër zjarri është shfaqur sot në masivin pyjor Liqeni i Zi në rrethin e Bulqizës. Ende nuk janë zbardhur shkaqet e rënies së tij, por ka patur një angazhim të shpejtë nga strukturat vendore për shuarjen e tij në kohë reale.
Kryetarja e bashkisë Festime Mjeshtri ka falenderuar emergjencat civile dhe ka apeluar për rritjen e kujdesit nga ana e qytetarëve për mbrojtjen e kësaj pasurie.
“Faleminderit strukturave të emergjencave civile për reagimin në kohë për fikjen e zjarrit afër Liqenit të Zi. Pyjet janë pasuria jonë e përbashkët. Mos u bëni shkaktarë të zjarrvënies dhe sinjalizoni çdo rast ku shihni tym ose zjarr për të shmangur fatkeqësi të mëdha dhe minimizuar dëmet në mjedis dhe prone”, shkruan Mjeshtri.