Autoriteti Kombëtar i Ushqimit ka kryer sot 221 inspektime dhe monitorime në të gjithë vendin mbi bazën e denoncimeve të ardhura në e-mail zyrtar [email protected].
“Gjatë kontrolleve zyrtare në operatorët e biznesit ushqimor janë dhënë 35 masa me paralajmërim kryesisht për mospërputhje me kornizën ligjore dhe rregullatore te sigurisë ushqimore”, bën të ditur AKU.
AKU njofton se, “janë lënë detyra për operatorët e biznesit ushqimor: si rinovim librezës shëndetësore, rinovim i planit të shërbimit DDD, sistemim i ambientit dhe rinovim për analizën e ujit”.
“Referuar Planit të Marrjes së Mostrave janë marrë 29 mostra në monitorim të produkteve ushqimore. Në zbatim të masave të reja është kryer këshillimi i punonjësve dhe i qytetarëve për përdorimin e maskave brenda ambienteve te mbyllura si dhe respektimin dhe zbatimin e protokolleve të sigurisë me qëllim për parandalimin e përhapjes së COVID-19″, vijon njoftimin AKU.
AKU fton çdo qytetar të kontaktojë për çdo problematikë pasi thekson se, “jemi në shërbimin tuaj dhe në këtë angazhim jemi bashkëpunëtorë”.