Kryeministri i Kosovës, Ramush Haradinaj ka thënë se është pro pezullimit të taksës ndaj Serbisë, por në rast se do të kishte një marrëveshje me shtetin serb. Madje ai ka shprehur habi ndaj liderëve kosovarë që janë pro heqjes së taksës.
“Unë habitna edhe në Isa Mustafën, edhe në Thaçin, Veselin, e Limajn. Pse kaq shpejt me i pranu kushtet e Serbisë, qysh na me shku me kushte në tavolinë. Sikur të kishim ndejtur unik të gjithë. Unë kam thënë se jam për pezullim, por pasi të shohim marrëveshjen se çka përmban, dhe jemi të sigurt në këtë marrëveshje e pezullojmë. Por nuk e pezullojmë sa për turizëm”, ka thënë Haradinaj.
Ai ka akuzuar presidentin Thaçi se i ka bërë shumë dëme Kosovës. “Shumë e du presidentin. Ai i ka bërë dëme të mëdha Kosovës me idetë e tij për dialogun. Edhe me avasimet për ndarje. Diskutimet e tij e kanë pru gjendjen ku jemi sot”, tha ai.