Studentët e Mjekësisë kundërshtojnë vendimin e qeverisë që i ndalon të diplomohen nëse nuk shërbejnë për pesë vite në Shqipëri.
Për këtë, ata kanë paralajmëruar mbajtjen e një proteste, e cila është parashikuar të zhvillohet ditën e enjte, 6 korrik, në orën 10:00 pranë fakultetit të Mjekësisë.
Ministrja e Arsimit, Evis Kushi deklaroi se studentët që do të nisin studimet në universitetin e Mjekësisë do të nënshkruajnë kushtet e paracaktuara. Studentët e vitit të para do të jenë të detyruar të punojnë 5 vite në Shqipëri, studentët nga viti i dytë në të katërtin 3 vite, ndërsa studentët nga viti i katërt në të gjashtin 2 vite.