Nga zyra e kreut të Shtetit Bujar Nishani bëhet me dije se edhe pas 3 orësh nuk ka pasur një dakordësi mes Ramës dhe Bashës për zgjidhjen e krizës.
Në njoftim thuhet se presidenti i Republikës vijon të mbajë kontaktet me palët për gjetjen e një zgjidhjeje të mundshme mbi bazë kompromisi.
“Me ftesë të Presidentit të Republikës, Sh.T.Z. Bujar Nishani sot u zhvillua një takim midis Kryeministrit të vendit z. Edi Rama dhe Liderit të opozitës z. Lulzim Basha.
Gjatë takimit palët prezantuan pikëpamjet e tyre mbi krizën politike dhe rrugët e zgjidhjes së saj.
Presidenti i Republikës vijon të mbajë kontaktet me palët për gjetjen e një zgjidhjeje të mundshme mbi bazë kompromisin”, thuhet në njoftim. /TiranaNews/