Nga skemat piramidale, viktimë janë edhe disa yje futbolli në Turqi. Arda Turan, Fernando Muslera, Emre Belözoglu, Emre Colak, Semih Kaya dhe Selcuk Inan janë mashtruar. Trajneri i famshëm turk Fatih Terim, i sapo shkarkuar nga Panathinaikos, ka denoncuar bankën turke Denizbank për këtë çështje.
Prokuroria kërkon 252 vite burg për bankieren që akuzojnë si përgjegjëse për këtë mashtrim piramidal. Arda Turan, ish-lojtar i Atletico Madrid, i cili dëshmoi në nëntor 2023 në Gjykatën e Lartë Penale të Stambollit, shpjegoi se është mashtruar. “I dhashë më shumë se 13 milionë euro. Të gjitha paratë dhe mundi im. Puna e gjithë viteve viteve u zhduk papritur”, tha Turan.
Skandali shpërtheu në prill të vitit të kaluar, kur u bë e ditur se drejtori i një filiali të Denizbank në Stamboll kishte mbledhur miliona dollarë nga lojtarë të shumtë futbolli për një fond të supozuar me performancë të lartë. Në një skemë klasike piramidale, bankieri përdorte investimet e disa klientëve për të paguar përfitime të larta ndaj të tjerëve, në transaksione që kryheshin me çantat plot me kartëmonedha.