Drejtori i Vizion Plus Sokol Balla, drejtues i emisionit Realstory, ka shprehur skepticizmin e tij për ndryshimin e ministrit të jashtëm Ditmir Bushati.
Ai thotë se rolin e ministrit të jashtëm, do ta kryejë vetë Edi Rama.
‘Mund të ketë shumë arsye pse Ditmir Bushati nuk është më ministër i Jashtëm. Por kishte shumë deri dje. Kurrë s’do harroj leksionin historik dhe patriotik në tabelën virtuale të mësimit të Diplomacisë në #realstory. Shpresoj që Edi Rama, si ministër i ri i Jashtëm, ta ruajë traditën’, shkruan Sokol Balla.
Në vend të Ditmir Bushatit, u emërua ish zv.ministri i Jashtëm Genti Cakaj, që është pritur me skepticizëm në qarqet politike në Tiranë.