Vijon forma e mirë e sulmuesit të Kombëtares shqiptare, Sokol Cikalleshi, i cili ka gjetur sërish rrugën e rrjetës në Superligën e Turqisë, teksa vetëm 3 ditë më parë kishte shënuar me penallti.
Jo një, por sot ai ka shënuar dy herë radhazi nga pika e bardhë. Ai nuk ka gabuar në minutën e 48′, teksa ka kaluar në avantazh ekipin e tij.
Por bomberi shqiptar u tregua i saktë edhe në minutën e 63-të, po me një 11-metërsh. Një sukses që bën ekipin e Konyaspor të ngjitet në renditje, duke i ikur fundit dhe rrezikut të rënies nga kategoria. Ndërsa me dy golat e sotëm, Cikalleshi ngjitet në kuotën e 8 golave.