Në stadiumin e Guimaraes pritet një duel spektakolar mes dy emrave të mëdhenj të futbollit europian. Ndeshja do te luhet mes Holandës e Anglisë sonte duke nisur nga ora 20:45. Trajneri i tulipanëve Koeman ka besim se Holanda mund ta mposhtë Anglinë ndërsa do luajë me formacionin më të mirë duke mos kursyer as Van Dijk e Wijnaldum fitues të freskët të Championsit.
Edhe “tre luanët” janë me grupin e plotë por sulmuesi Harry Kane mund ta nisë nga stoli. Trajneri Gareth Southgate ka besim se skuadra e tij i ka futbollistët e duhur ta fitojë Ligën e Kombeve.
Në 21 duelet e mëparshme mes Holandës dhe Anglisë kemi barazi totale me nga 6 fitore për secilin ekip ndërsa 9 ndeshje janë mbyllur në barazim.