Spanja dhe Portugalia e kanë paraqitur kandidaturën për organizimin e përbashkët të Kampionatit Botëror në vitin 2030. Oferta zyrtare është bërë e ditur të mërkurën nga këto dy shtete, të cilat shpresojnë se do ta organizojnë mikpritjen për ngjarjen më te madhe në futboll Botërorin 2030. Pedro Sanchez dhe Antonio Costa, presidentët e dy shteteve kanë dhënë përkrahjen e tyre për organizimin e ndeshjeve të botërorit në Spanjë dhe Portugali.
Vendimi për Botërorin 2030 do të merret gjashtë vjet para së të mbahet ai, pra në vitin 2024, në eventin e FIFA-s. Ndryshimet e fundit nga zyrat e shtëpisë botërore të futbollit, kanë të bëjnë me pjesëmarrjen e 48 kombëtareve, pra 16 më shume së sa herëve tjera. Spanja dhe Portugalia do të garojnë kundër Marokut dhe Uruguait, Argjentinës, Paraguait dhe Kilit.
“Marrëveshja e bërë është një hap para në projektet tona të përbashkëta, por gjithashtu edhe për vetë shtetet,” u deklarua Luis Rubiales në konferencën për shtyp
“Futbolli, sporti është një mjet i rëndësishëm për forcimin e projekteve në mes dy vendeve,” vazhdoi ai “Për të organizuar Kupën e Botës ne nuk mund të mendonim një partner më të mirë së sa Portugalinë, do të shkojmë dorë për dore bashkë me Federatën Portugeze,” përfundoi ai.