Rajonet spanjolle që kanë normë të ulët të të infektuarve do të rihapin klubet e natës përpara se të arrihet imuniteti i tufës,, sipas një deklarate nga ministria e shëndetësisë. Rajonet që kanë një normë të të infektuarve nën 50 raste për 100,000 persona do të jenë në gjendje të hapin klubet e natës deri në orën 3 të mëngjesit, duke filluar nga gushti.
“Duhet një rikthim gradual dhe progresiv i normalitetit”, u tha gazetarëve ministrja e shëndetësisë, Carolina Darias.
Shkalla e përgjithshme e infektimit në Spanjë ra në 118.5 raste për 100,000 persona të mërkurën, por vetëm ishujt Balearic, Valencia dhe Ceuta plotësojnë kërkesën për nën-50. Pavarësisht nga ulja drastike e viktimave numri zyrtar i të vdekurve nga COVID -19 është mbi 80,000.
Ministria tha se klubet e natës ishin një alternativë më e sigurt sesa festat në rrugë që kanë qenë të zakonshme në qytetet spanjolle gjatë fundjavave që nga përfundimi i gjendjes së jashtëzakonshme muajin e kaluar dhe mund të ndihmojë në rimëkëmbjen e turizmit.