Gjashtë persona janë arrestuar si të dyshuar për trukim të një ndeshjeje të Kupës së Mbretit në Spanjë. Policia spanjolle ka faktuar se të gjithë kanë përfituar financiarisht nga bastet pasi kishin gjetur rezultatin e saktë në ndeshjen Hurracan Melilla – Levante që përfundoi 8-0 për Levante.
Fillimisht rezultati përfundimtar nuk ngjalli dyshime për shkak të diferencës në nivele të dy skuadrave.
Këto arrestime u bënë një ditë pas njoftimit nga Gjykata Rajonale e Melilla, një qytet autonom spanjoll në bregun verior të Afrikës, se gjashtë persona ishin marrë në pyetje në lidhje me këtë çështje. Midis tyre ishte një ish-lojtar i CD Huracan.
Hetimi u hap pas një raport nga La Liga, e cila menaxhon futbollin profesionist spanjoll, si dhe disa qendra bastesh.
Klubi Huracan Melilla ka komunikuar se po bashkëpunon me autoritetet e futbollit dhe sistemin e drejtësisë. Ndërsa nga ana tjetër, klubi i Levante, aktualisht i 4-ti në Ligën e Dytë Spanjolle siguroi për pafajësinë e të gjithë futbollistëve.
Ky është një tjetër rast që prek dhe njollos futbollin spanjoll pas asaj që po konsiderohet si Barçagate.