“Vladimir Putin ka më pak se dy vjet jetë pasi ai vuan nga disa sëmundje të rënda”. Kjo është deklarata shokuese që ka bërë së fundmi kreu i shërbimit të inteligjencës ukrainase.
Gjeneralmajor Kyrylo Budanov tha se spiunët e Kievit që depërtuan në Kremlin i bënë pretendimet bazuar në inteligjencën njerëzore. Budanov shtoi: “Putini nuk ka një jetë të gjatë përpara”.
Shëndeti i Putinit ka qenë subjekt i thashethemeve të ashpra prej muajsh, duke u përshkallëzuar pasi ai u fotografua duke u mbajtur te tavolina gjatë një takimi me ministrin e mbrojtjes Sergei Shoigu.
Qëndrimi i dobët i Putinit dhe fytyra e qafa në dukje të fryra ndezën spekulime për shëndetin e liderit, i cili thuhet se është dëmtuar që nga pushtimi i Ukrainës.