Në një intervistë për “Sport24.gr”, Thomas Strakosha tregon mbi karrierën që ka ndërtuar dhe disa detaje “pikante” në lidhje me hapat e parë si profesionist. 27-vjeçari pranon se mund të zgjidhte për të përfaqësuar Greqinë, por rrënjët shqiptare e sollën në Shqipëri dhe me fanellën kuqezi tregon se do pjesëmarrjen në Euro 2024.
Idhulli – “Kur isha i vogël mund të kem parë mbi 1000 herë një videokasetë ku ishin përmbledhur të gjithë pritjet më të bukura të babait tim. Ai ishte një portier përballë të cilit nuk shënoje lehtë”.
Zgjedhja – “E dua, e vlerësoj dhe e respektoj Greqinë, por unë dhe prindërit e mi jemi nga Shqipëria dhe mendoj se është më e përshtatshme të luaj për Kombëtaren Shqiptare. Mund të zgjidhja edhe Greqinë, por unë dhe prindërit e mi i kemi rrënjët në Shqipëri”.
Objektivi – “Mendoj se në vitin 2024 mund të jemi sërish në Europian sepse kemi një brez të ri me shumë talente, lojtarë të formuar me mentalitet europian”.
Rivalet – “Polonia është favorite e grupit, por ne duhet të jemi patjetër në vendin e dytë që të kalojmë më tej. Do të jetë turp nëse nuk do të shkojmë në Europian, ne kemi klas”.
Premier League – “Kisha ëndërr që të luaja në Angli. Kur mësova se interesohej Brentford për mua nuk mendova dy herë për ta pranuar ofertën”.
Nisja e vështirë – “U transferova ditët e fundit të merkatos dhe më duheshin disa javë që të ambientohesha me klubin dhe shokët e ekipit. Por më pas pësova një dëmtim, i cili më pengoi që të integrohesha siç dëshiroja. Në futboll fati ndikon shumë”.