Pak ditë më parë Noizy lançoi një tjetër diss ndaj të gjithë kundërshtarëve të tij të quajtur “Vaksina”, një këngë që bëri mjaft bujë e që në pak ditë ka arritur 2 milionë shikime në Youtube.
Ndonëse të gjithë po prisnim të përmendte emra, reperi na ka surprizuar, duke thënë se “nuk merret me plehra” dhe i konsideron kolegët “peshq të vegjël” dhe veten “balenë”. Megjithatë, ai diku në rreshta flet edhe për Big Kik i cili i bëri diss disa javë më parë në “Gjoni Black”.
Nuk ka vonuar edhe reagimi i Stresit, i cili prej kohësh është njohur si “kundërshtari” i Noizy-t.
Në një postim në InstaStory, Stresi shkruan se s’ka ndërmend të bëjë më diss-e, por do të thotë fjalën e fundit.
“Mos pritni diss prej meje, as nuk shaj askënd se jemi rrit, por meqë doni realitet, po realitet priteni. Po foli i fundit.”- shkruan Stresi duke paralajmëruar diçka, të cilën presim ta mësojmë shumë shpejt.
