Një protestë “homazh” e quajnë të rinjë nga Qëndresa Qytetare, protestën minimaliste sot para Ministrisë së Arsimit. Sipas tyre rinia preferon emigrimin sesa shkollim në vend. Po ashtu ata thanë edhe se 71.6% e programeve prioritare në rrezik.
“Universitetet tona po boshatisen çdo ditë e më shumë. Gjatë katër viteve të fundit janë larguar mesatarisht 8 studentë në ditë. 71% e programeve prioritare rrezikojnë të mbyllen pasi nuk plotësojnë numrin minimal prej 10 studentë. Në Durrës është mbyllur dega Hoteleri Turizmi. Askush nuk shqetësohet për fizikën që po mbyllet në universitetin e Tiranës.
A e pyet veten kjo ministre pse studentët nuk po preferojnë as degët themeltare dhe ato prioritare? Prandaj ne jemi mbledhur në shenjë proteste simbolike. Programet prirotitare janë jelek shpëtimi për të rinjtë që duan të largohen nga vendi dhe ajo që ne do bëjmë nisur edhe nga ky aksion do ndjekim mundësinë pse të rinjtë nuk i duan këto programe edhe pse ata preferojnë të mos ndjhekin tregun e punës këtu, por duan të ikin jashtë vendit”.
Një prej protestuesve, Gevio Tabaku tha se dy pllakat e varrit simbolizojnë mbylljen e degëve, si pasojë e zbrazjes së universiteteve. Shqipëria po përballet me një braktisje të madhe të të rinjve, të cilët synojnë shkollimin në vendet evropiane. Veç universiteteve, fenomeni i emigracionit po ndihet edhe në shkolla dhe gjimnaze. Këtë vit shkollor në banka janë ulur 17 543 nxënës më pak. Rënia më e thellë ndihet më shumë në arsimin 9 vjeçar ku krahasuar me vjet mungojnë 11 146 fëmijë të moshës shkollore 6-15 vjeç, ndërsa në shkollat e mesme numri është ulur me 6400 gjimnazistë.
