Në emisionin “Drejt” në RTV Ora, deputeti demokrat Dashnor Sula u shpreh se nuk do të jetë në kuvendin e datës 30 prill të PD-së. Sipas tij, duhej që pas 10 shtatorit të dyja palët të kishin bërë çdo gjë që ishte e mundur për të mos ardhur në këtë situatë sot.
Sula: Nuk ka bërë vaki kurrë në 30 vite që zgjedhjet të bëhen nga sipër e të shkojnë poshtë, sepse ka ndikim kryetari që mund të zgjidhet. Gjithmonë ka qenë nga poshtë sipër procesi. Në disa zona që unë njoh nuk kanë votuar shumë demokratë dhe kjo është për të ardhur keq.
Nuk do të jem në kuvendin e datës 30 prill. Nuk është se kam pasur ftesë, por nëse do të ishte në qëllim do të shkoja. Nuk do të shkoj sepse nga data 10 shtator kam thënë se të dyja palët duhet të kishin bërë maksimumin që të mos shkohej në këtë gjendje. Ne në 6 mars dolëm në një luftë civile që prodhoi këtë situatë.