Deputeti i Partisë Demokratike, Enkelejd Alibeaj ka reaguar pas protestës që ish-kryeministri Sali Berisha organizoi para selisë blu.
Përmes një postimi në rrjetin social “Facebook”, ai ka bërë publike disa pamje nga protesta e sotme dhe shkruan se ajo u orkestrua e udhëhoq nga Berisha.
“Demokratët, shqiptarët dhe bota mbarë e pa se si Sali Berisha orkestroi dhe udhëhoqi një sulm kriminal mbi Partinë Demokratike për ta shndërruar atë në një bunker për hallin e tij personal. Ky sulm i turpshëm do të mbahet mend si dita e tij e fundit në politikë dhe si fillimi i një kapitulli të ri për Partinë Demokratike, të çliruar nga hijet e të shkuarës, nga dhuna dhe mentaliteti komunist!”,-shkruan Alibeaj në postimin e tij.