Sulmi nga Irani, presidenti Biden urdhëron ushtrinë amerikane të ndihmojë Izraelin: Të rrëzohen raketat

”Presidenti Joe Biden dhe nënpresidentja Kamala Harris, po monitorojnë sulmin iranian ndaj Izraelit dhe po marrin përditësime. Presidenti ka udhëzuar ushtrinë amerikane që të ndihmojë Izraelin të mbrohet dhe të rrëzojë raketat që synojnë Izraelin”, ka deklaruar Sean Savett, zëdhënës i Këshillit të Sigurisë Kombëtare. Ushtria Izraelite thotë se Irani tashmë ka nisur raketa në drejtim të Izraelit dhe se cak i predhave të lëshuara nga Irani janë rreth dhjetë milionë civilë në zona të ndryshme të vendit. Autoritetet në Izrael gjithashtu raportuan se sirena alarmi u lëshuan nëpër të gjithë Izraelin dhe se banorët janë udhëzuar të kërkojnë strehim të sigurt.