Super League me shumë mundësi do të jetë një ide e mbetur në letër, pasi po shuhet ende pa nisur. Pas kundërshtimeve të forta që mori nga institucionet e futbollit si dhe nga tifozët, ishte rradha e Manchester City-t të tërhiqet nga kjo ide.
Megjithatë mendohet se edhe klubi i Liverpool po shkon drejt kësaj rruge,por duket se dëmi është bërë. Kompania e orave Tribus, partneri botëror i matjes së kohës, ka njoftuar përfundimin e partneritetit me Liverpool për shkak të anëtarësimit të tyre në Super League. Ndërkohë kapiteni i skuadërs, Jordan Henderson ka folur në emër të shokëve të skuadrës.
“Ne nuk e duam Super League-n dhe nuk duam që ajo të ndodhë. Ky është pozicioni ynë kolektiv. Angazhimi ynë ndaj kësaj skuadre futbolli dhe tifozëve të saj është absolut dhe i pakushtëzuar “.
