Nedim Bajrami ka gjetur golin në ndeshjen që Sassuolo po luan momentalisht përballë Interit. Ndeshja është në barazim 1-1, teksa tetovari ka shënuar golin e barazimit për të tijët.
Ishte pasimi i Berardit për Bajramin në hyrje të zonës dhe më pas goditja e furishme e këtij të fundit për të dërguar topin në rrjetë. Një goditje që nuk u përballua dot nga portieri Sommer.
Kujtojmë që ky është goli i dytë i Bajramit kundër Interit i cili i ka shënuar më parë zikaltërve në kohën kur aktivizohej tek Empoli.
