Andrea Bocelli do të jetë protagonisti muzikor në ceremoninë e hapjes së Euro 2020 në stadiumin “Olimpico” të Romës. Pasi hapi Olimpiadën në vitin 2006, Expo në Shanghai në 2010 dhe në Milano në 2015, tenori do të jetë edhe një herë simboli i Italisë në botë, në një ceremoni solemne dhe spektakolare.
Por i pari që do të ngjitet në skenën e improvizuar në fushën e “Olimpico”-s do të jetë këngëtari shqiptar, Ermal Meta. Ai do të këndojë këngën “Uno”, e cila është pjesë e albumit të ri “Tribu Urbana”.
Bocelli do të interpretojë “Nessun Dorma”, i rrethuar nga një koreografi e jashtëzakonshme, ku do të përfshihen dhe “Frecce Tricolori”, avionët që do të lëshojnë në qiell 3 ngjyrat e flamurit italian të cilat do të mbulojnë gjithë stadiumin.
