Juventus ka shfaqur interes serioz për Stiven Shpendi, sulmuesin e ri shqiptar, që sezonin e kaluar shkëlqeu në Serie C, kategorinë e tretë italiane.
20-vjeçari realizoi 12 gola me Cesena-n, duke e ndihmuar klubin të luftonte deri në fund si në kampionat, ashtu edhe në fazën play off për të siguruar ngjitjen një kategori më lart. Djaloshi i Kombëtares Shpresa të Shqipërisë arriti të kapërcente hierakitë në ekip dhe të linte në stol dy blerjet e mëdha të verës së kaluar si Ferrante dhe Udoh.
Sytë nga Stiven Shpendi i ka hedhur edhe Sassuolo, një prej skuadrave të Serie A që njihet për punën e mirë me lojtarët e talentuar. Për të fituar konkurrencën, bardhezinjtë janë të gatshëm të paguajnë kartonin e futbollistit, që në merkato vlerësohet 2 milionë euro.