Skënder Loshi është një nga talentet që kanë për të tërhequr shumë vëmendjen e opinionit sportiv në vitet e ardhshme. Ai është vetëm 20-vjeç dhe ka nisur që tani të mahnisë me potencialin dhe talentin që zotëron.
Lojtari shqiptar luan me skuadrën e të rinjve të Bredës, në Holandë dhe këtë herë ai ka shënuar 5 gola në fitoren 12-0 kundër Akilës. Ai gjithashtu dhuroi dhe dy asist në këtë takim.
Sulmuesi me origjinë shqiptare këtë sezon po mrekullon duke shënuar 18 gola në 16 ndeshje, pra një mesatare me më shumë se një gol në një takim. Për t’u përmendur është fakti se ai ka dhuruar 6 asist duke kryer edhe rolin e mesfushorit.
Tashmë vet Loshi i ka hapur rrugën vetes për një thirrje të mundshme në Kombëtaren e Shpresave dhe më vonë në ekipin e parë.