Milani është duke shtuar përpjekjet për të siguruar shërbimet e mesfushorit të Bayer Leverkusen, Granit Xhaka. Sipas medieve ndërkombëtare, interesimi i kuqezinjve, i udhëhequr nga drejtori Igli Tare, ka hyrë në një fazë vendimtare.
Mediet në Itali bëjnë me dije se Tare ka bindur tashmë lojtarin për projektin e Milanit dhe se këtë javë pritet të dorëzohet një ofertë zyrtare në drejtim të nënkampionëve të Gjermanisë.
Takimi final mes palëve për të përcaktuar të ardhmen e 32-vjeçarit do të zhvillohet në ditët në vijim, ndërsa Milani synon të mbyllë me sukses një marrëveshje që do t’i jepte mesfushës së Max Allegrit muskuj.
12 milionë euro vlerësohet në treg Xhaka, por Milan kërkon të fusë në lojë edhe mbrojtësin Malick Thiaw, kjo për të ulur shumën që duhet të paguhet në arkat e “Aspirinave”.