Kryeministri britanik, Boris Johnson, gjatë vizitës së tij në Kiev, ka premtuar mbështetje të vazhdueshme për Ukrainën.
Në një konferencë të përbashkët me presidentin Volodymyr Zelensky, ai garantoi se Britania e Madhe do të ofrojë ndihmë për trajnimin e mijëra ushtarëve ukrainas në mes të konfliktit.
“Ne do të vazhdojmë, siç kemi që nga fillimi, të ofrojmë pajisjet ushtarake që ju nevojiten – dhe tani, sigurisht, trajnimin që mund të jetë i nevojshëm për të shkuar me ato pajisje të reja – në mënyrë që ju, populli ukrainas, forcat e armatosura ukrainase të jeni në gjendje të bëjnë atë që unë besoj se ukrainasit dëshirojnë të bëjnë, dhe kjo është të dëbojnë agresorin nga Ukraina..Ky do të jetë momenti për bisedimet për të ardhmen e Ukrainës dhe do të jetë në atë kontekst të një Ukrainë të lirë që ne dhe vendet e tjera do të bëjmë angazhimet dhe garancitë e sigurisë që kemi diskutuar kaq shpesh”, deklaroi Johnson.