Kreu i shtetit Ilir Meta ka folur për herë të parë pas miratimit me 100 vota të rezolutës ndaj tij në Kuvend. Ai tha se Presidenti është zgjedhur nga Parlamenti, i takon Republikës dhe republika është e qytetarëve.
“Presidenti është zgjedhur nga Parlamenti, sigurisht jo nga ky, nga një Parlament plotësisht legjitim. Po Presidenti i takon Republikës dhe Republika vetëm qyteatrëve”, tha Meta.
Ai tha se do të thërrasë sa më parë të jetë e mundur dy krerët e partive kryesore, Edi Rama dhe Lulzim Basha. “Sa më parë të jetë e mundur po punoj me shumë qetësi dhe përgjegjësi. Dekreti është në fuqi, i detyrueshëm për të gjithë. Presdenti mban shënim me shumë vëmendje çdo institucion që shkel ligjin”, tha Meta më tej.
I pyetur nëse do të pranojë çdo vendim që do të marrë Kolegji Zgjedhor, Meta i quajti çmenduri institucionesh, pasi dekreti është i detyrueshëm.
“Dekreti mund të gjykohet dhe nga Gjykata e Skraparit që nuk ekziston. Presidenti nuk ndalon askënd të çmendet, po i ftoj të gjithë të izolojmë çdo të çmendur që në këtë ditë të dhurimit të gjakut bën thirrje për gjëra të ndryshme. Shqipëria ka nevojë për zgjedhje të lira dhe të ndershme sepse vetëm ato sigurojnë çeljen e shpejtë të negociatave për BE që është objekti për shqiptarët”, tha kreu i shtetit.
Ai këkrojë dhe një herë të ketë reflektim, ndërsa theksoi se kush dëshiron të ecë në rrugën e paligjshmërisë do të ketë të gjitha pasojat nëse provokon paqen sociale dhe stabilitetin demokratik në vend.