Dua Lipa ka treguar se është një vajzë xheloze, si çdo vajzë tjetër për partnerin e saj.
Këngëtarja shqiptare ka rrëfyer për episodin virtual të Watch What Happens Live, se i ka kontrolluar mesazhet e të dashurit të saj.
“Unë kam një rrëfim për të bërë … personi të cilit i kam kontrolluar mesazhet ishte i dashuri im, i dashuri im aktual”, tha Dua kur u pyet nga moderatori Andy Cohen dhe mikesha e tij Lena Dunham.
Dua shpjegoi se ata ishin takuar në një Barbecue.
Thashethemet për Duan dhe Anwar nisën në verën e vitit 2019, kur u vunë re në British Summer Time Music Festival në Londër. Ata më pas bënë debutimin e tyre si çift në New York Fashion Week në shtator.
Disa muaj më vonë, Dua dhe Anwar parakaluan në tapetin e kuq në American Music Awards 2019.
Dua u pyet edhe për shtatzëninë e motrës së Anwar, Gigi: “Po! Është një lajm shumë emocionues. Jemi shumë, shumë të emocionuar”.
Aktualisht Dua dhe Anwar po e kalojnë karantinën në Londër, duke kaluar kohë bashkë si çift dhe eksperimentuar me flokët.