Kryeministri Edi Rama ka nisur takimin me homologun grek, Aleksis Tsipras në Dubrovnik. Ky takim vjen në kuadër të samitit të 8-të të vendeve të Europës qëndrore, asaj juglindore si dhe Kinës, të njohur si iniciativa 16+1.
Temë e diskutimeve do të jenë marrëdhëniet mes dy vendeve, duke nisur që nga pronat në Himarë, marrëveshja e Detit dhe cështje të mbetura pezull nga dosja e negocimit mes dy vendeve.
Kujtojmë se në Bukuresht Aleksis Tsipras u shpreh pesimit për perspektivën europiane të vendit tonë, referuar dhe një vendimi të qeverisë për pronat në Himarë, që sipas Tsipras, cënojnë pronat e minoritetit grek.
Takimi i fundit mes dy kryeministrave është zhvilluar dy vite më parë gjatë punimve të OKB-së në Nju Jork.
