Tension i lartë përpara Juventus-Ajaks, ndalohen 5 ultras holandezë të armatosur

Tension me tifozët holandezë në Torino. Pas përleshjeve të ndodhura para ndeshjes së parë në “Cruijff Arena”, historia po përsëritet në Itali. Pesë ultras holandesë janë ndaluar nga policia, pasi gjatë një kontrolli u janë gjetur armë, tymuese, fishekzjarre dhe sende të tjera të rrezikshme, që do t’i përdornin gjatë ndeshjes.

Për të gjithë këta tifozë është dhënë masa e ndalimit menjëherë. Ata ishin në dy autobusë që po udhëtonin drejt Torinos. Tani policia po heton edhe për tifozë të tjerë të përfshirë në grupin e tifozëve të armatosur.
Ka reaguar për këtë çështje edhe Ministri i Brendshëm në Itali, Sslvini: “Luftojmë çdo tip dhune, brenda dhe jashtë stadiumit. Disa kriminelë nuk duhet të shkelin më në një fushë futbolli. Faleminderit policisë së Torinos dhe asnjë tolerim për ultrasit holandezë, që ishin të armatosur”, – është shprehur Salvini në profilin e tij në Tuiter.