Banoret e kampit ASHRAF në Manzë, kanë rrëfyer dhunën që kanë përjetuar gjatë operacionit të policisë.
Sipas tyre, policia ka hyrë në orët e para të mëngjesit në dhomat e tyre ku ka kontrolluar gjithçka, dhe ju kanë marrë atyre të gjithë pajisjet elektronike.
Banorja : “Ne dëgjuam zhurma dhe erdhën në shtëpinë tonë, dhe bënë kontroll në të gjitha dollapet tona, na morën kompjuterët. Nuk ka dhanë asnjë dokument nga gjykata, ata morën kompujterat tanë, dhe një prej miqve tanë vdiq. Kush e dha këtë urdhër ne nuk e dimë. Ishte hera e dytë që ata erdhën këtu, është një skandal, ne kemi shumë vite që jetojmë këtu. Nuk na kanë treguar asnjë mandat kontrolli, hynë më shumë se 6 policë na hynë në banesë”.
Policia mori me forcë laptopin tim, nuk kisha asgjë, e përdorja thjesht për të lexuar lajmet dhe për të parë sport. Hallën time nuk e kam takuar, nuk na kanë lënë asnjë pajisje elektronike. Nuk e do çfarë do të bëjmë, sot nuk është një ditë normale, njerëzit këtu janë të zemëruar. Unë kam shumë frikë që të qëndroj këtu. A jemi ne terrorista? Nuk na shpjeguan asgjë”.
Banorja : “Janë 100 të plagosur, disa janë keq. Dhomën time e shkatërruan, kompjuterin tim, gjithçka. Ata na hodhën gaz midis dhomave. Ne nuk bëmë rezistencë, thjesht i pyetëm se pse po na sulmonin në dhomat tona. Ne kishim shumë frikë”.