Situata e tensionuar në Veri të Kosovës ka marrë vëmendjen e ndërkombëtarëve. Analisti kosovar Nexhmedin Spahiu ka folur mbrëmjen e sotme për klimën e krijuar së fundmi në Veri, duke mos përjashtuar mundësinë e nisjes së një lufte Kosovë-Serbi.
Ai tha në një lidhje live me “ABC News” se prania e forcave të KFOR-it janë garant i sgurisë në Kosovë, por jo 100%.
“KFOR është një garant i sigurisë por jo 100%… Në mars 2004 kanë vdekur në Kosovë në trazira me dhjetëra qytetarë dhe ka pësuar shkatërrime Kosova. Serbia ka shkaktuar Luftën e Parë Botërore, është e pritshme të luftojë sërish,” tha Spahiu.
Analisti u shpreh se ai personalisht po shpreson që situata të jetë e “rremë” dhe jo një situatë e vërtetë, pra që të jetë arritur ndonjë marrëveshje dhe situata të shkojë drejt normalizimit të marrdhënieve mes dy vendeve.