Një person i maskuar dhe i armatosur ka tentuar që të grabisë një pikë të këmbimit valutor në Durrës. Ngjarja ka ndodhur paraditen e së premtes në lagjen nr.1 të qytetit, e njohur ndryshe si zona e Vollgës.
Punonjësit kanë arritur të pikasnin personin e armatosur dhe nuk kanë hapur xhamin e sportelit. Ndodhur në këtë situatë, ai është larguar me shpejtësi nga pika e këmbimit valutor.
Menjëherë në vendin e ngjarjes ka mbërritur policia, e cila ka nisur hetimet dhe kërkimet për personin që tentoi të grabiste nën kërcënimin e armës.