Manchester United ka emëruar avokatë për të paditur Cristiano Ronaldon për shkelje të dyshuar të kontratës pas pretendimeve të bëra nga sulmuesi në një intervistë të fundit, me klubin që kërkon një zgjidhje të shpejtë për këtë çështje.
Kjo do të thotë se Ronaldo pothuajse me siguri nuk do të luajë më kurrë për United dhe kuptohet që 37-vjeçari është udhëzuar të mos kthehet në bazën stërvitore të klubit Carrington pas pjesëmarrjes së tij me Portugalinë në Kupën e Botës në Katar, thotë The Guardian.
Të premten në një deklaratë të klubit thuhej: “Manchester United ka nisur këtë mëngjes hapat e duhur në përgjigje të intervistës së fundit të Cristiano Ronaldos në media. Ne nuk do të bëjmë komente të mëtejshme derisa ky proces të arrijë në përfundimin e tij.”