Shumë nga emigrantët që hynë në Britani janë “vrasës, terroristë dhe përdhunues”, dhe në artikullin nga media britanike “The Sun”, përdoret edhe shembulli i një personi për të cilin pretendon se është shqiptar. Personi në fjalë, sipas medias britanike ka vrarë gruan dhe ndodhet në Angli lu kërkon azil pasi ka frikë se mund të vritet në vendin e tij për shkak të gjakmarrjes.
“Tregtarët e drogës, gangsterët, mashtruesit dhe përdhunuesit e fëmijëve janë gjithashtu në mesin e dhjetëra mijërave që kanë kaluar Kanalin, shumë prej tyre jetojnë në shtëpi të financuara nga taksapaguesit dhe marrin para në dorë, ndërsa punojnë ilegalisht”, shkruan “The Sun”.
Media britanike shkruan se shqiptari mburrej me të kaluarën e tij kriminale. “Shqiptari konfirmoi se vrau gruan e tij, duke shtuar: “Bëra dhjetë vjet burg. Tashmë kam një problem të madh në Shqipëri. Nëse kthehem, familja e gruas sime dëshiron të më vrasë. Dua të qëndroj këtu sepse jam i frikësuar. Kam ardhur për një jetë të re. Unë jetoj në Northampton dhe kam një të dashur me një fëmijë. Mbërritjet me precedentë të rëndë kriminalë monitorohen nga shërbimi i sigurisë MI5 dhe agjenci të tjera të ndryshme si dhe nga Home Office”, thuhet në artikull.