Partia Lëvizja Socialiste për Integrim bën nesër 15 vite nga themelimi i saj, ndërsa kryetarja e kësaj partie, Monika Kryemadhi, u ka bërë ftesë të gjithëve, atyre që janë dhe atyre që nuk janë në LSI, që t’i bashkohen festimeve në Pallatin e Kongreseve.
Sipas Kryemadhit, LSI është një parti politike që solli ndryshim dhe që theu tabutë e politikës së vjetër në Shqipëri.
“Përfitoj nga rasti nga kjo dalje publike, do dëshiroja që dalja ime publike në këtë sesion të ishte ditën e nesërme me rastin e 15 vjetorit të themelimit të Lëvizjes Socialiste për Integrim ku ftoj të gjithë simpatizantët, themeluesit, ata që janë dhe nuk janë më, të gjithë ata që aspironin më 6 shtator 2004 për një parti politike, e cila do të sillte ndryshimin dhe për hir të së vërtetës, na pëlqen apo s’na pëlqen LSI theu tabutë e politikës së vjetër në Shqipëri, por mbi të gjitha ngriti atë instrument. Ngriti instrumentin e një partie politike që u jep shansin të rinjve dhe të rejave, grave dhe vajzave për t’u përfshirë në politikë, për të qenë vendimmarrëse. Takohemi nesër pasdite në Pallatin e Kongreseve!”, u sjpreh Kryemadhi.