“Thuaj PO sportit dhe JO drogës”, eventi i Ditës Ndërkombëtare Olimpike, në bashkëpunim me Vizion OJF, u zhvillua në qytetin e Burrelit, me qëllim promovimin e një jete të shëndetshme me aktivitete sportive larg veprimtarive të paligjshme dhe drogërave.
Ky aktivitet u zhvillua në kuadër të projektit Mat Yesi – Më shumë Alternativa Drejt Arsimit të Rinisë dhe Integrimit Social-Ekonomik.
Panair ushqimor nga kursantët e MATI YESi, prezantuan tavolinat e tyre me ushqimore, mekanikë etj, ndërsa shkollat, “QKF MAT”, “OAZ”, “SHERBIMI SOCIAL”, prezantuan postera të ndryshme me tematika sensibilizuese.
QKF Mat dhe Biblioteka e qytetit shfaqën një mini/koncert me këngë e valle tradicionale si dhe monolog për bullizmin si dhe vjersha e vargje kushtuar traditave dhe kulturës matjane.
Gjithashtu u zhvilluan edhe aktivitete sportive e ping-pongut, basketbolli, volejbolli, patina, si dhe lojëra zbavitëse me lojën “Shah Mat”.