Marshim i djeshëm në Tiranë kundër abuzimit dhe përdhunimit të fëmijëve është komentuar kudo sot në rrjetet sociale. Me mijëra qytetarë dolën pas rastit tronditës të një të miture që ishte përdhunuar nga roja i shkollës në Babrru dhe ngritën zërin për të gjithë viktimat e abuzimit. Ndërkohë duket se jehona e lëvizjes qytetare i ka kaluar kufijtë e Shqipërisë dhe ka përfshirë një prej futbollistëve më të njohur italianë.
Bëhet fjalë për ish-sulmuesin e Milanit, Mario Balotelli. Me anë të një postimi në Instagram, ai ka shprehur solidaritetin e tij për këtë kauzë. “Thuajini jo çdo lloj dhune“- thotë futbollisti i Brescia-s në postimin e tij. Ndërkohë që në foton e shkëputur nga protesta është moderatorja Dojna Mema dhe Kejli Doda.
