Fitorja e një derbi duket se vlen më shumë se trofeu i Champions League. Kështu mendon ky tifoz i Interit, që është gati për të sakrifikuar pensionin e tij nëse zikaltërit eliminojë kundërshtarët e qytetit. Enrico Vazini, 100-vjeçar dhe me një të kaluar si ushtarak shpreson që skuadra e Inzaghit të arrijë pas 13 vitesh në raundin e fundit të kompeticionit më të rëndësishëm të UEFA-s.
“I lutem zotit që të më japë gëzimin e fitores së Interit dhe shpresoj që ai do ta bëjë këtë. Do të bëja gjithçka për fitore, përfshirë këtu edhe pensionin tim që do ta jepja” pranoi tifozi fanatik i skuadrës italiane.
Vazini nuk është një ndjekës i rregullt i Interit në shkallët e stadiumit, pasi mundësitë ekonomike nuk janë ato të duhurat. Gjithsesi, ai është gati për të sakrifikuar dhe dhuruar një pension që duket se do t’i shërbejë ndoshta klubit për të dërguar përpara projekte bamirësie.