Pas kombëtares italianë të futbollit, Brazili është një shtet tjetër që gëzon mbështetje të madhe në Shqipëri.
E teksa dje kombëtarja latine u përball me Serbinë duke e mposhtur me rezultatin 2 me 0, një episod i veçantë ka tërhequr vëmendje, dhe me siguri që do i bëjë shqiptarët akoma më të lidhur me Brazilin.
Në një video që po qarkullon në rrjetet sociale, shihet se si një i ri brazilian bën shenjën e shqiponjës dykrenore, përpara futbollistëve të Serbisë, të cilët janë afruar tek tifozët për t’i përshëndetur në përfundim të ndeshjes.