Një tjetër ngjarje e rëndë ka ndodhur në Francë, këtë herë në qytetin e Lionit, ku një person i armatosur ka plagosur një prift në hyrje të Kishës.
Prifti me kombësi greke po mbyllte Kishën në momentin që është sulmuar dhe ndodhet në gjendje të rëndë në spital.
Autori i sulmit ende nuk është identifikuar, ndërsa ministri i Brendshëm francez tha se ka filluar kërkimi për identifikimin dhe kapjen e autorit të ngjarjes së rëndë.
Kjo ngjarje vjen 2 ditë pasi 3 njerëz u vranë në Nicë nga një tunizian në një sulm me thikë, por i riu u plagos nga policia dhe u arrestua.